KONTUTXO BATZUK:

Ene Kantak 2010 urte inguruan Nafarroa Garaian sortutako musika proiektua da. Euskararen normalkuntzan aurrera egiteko, euskarazko abesti dibertigarri eta hezitzaileak sortzeko beharra ikusi zuten hasierako bidai hartan.

Eta lortu ere, lehenengo diska Nafarroako Bertsozale elkarteari eskaini zioten. Ondoren, diska gehiago atera dituzte. Gehienak, euskararen aldeko elkarte zein mugimendu ezberdinei eskainiak.

Momentuz 6 diska dituzte kaleratuak. Disketan, abestiekin batera, hauekin gozatzeko koreografiak ere proposatzen dizkigute. Diska bakoitzean, CD eta DVDa aurkituko dituzue.

Ikaragarria izan da eta izaten ari da ekipo honek euskarari eskaintzen ari dion hauspoa. 

Mila esker Ene kantak euskaraz ongi pasatu, dantzatu eta irri egiteko aukerak zabaltzeagatik.